Santes Dwynwen
Tymhorol
Mae diwrnod Santes Dwynwen yn cael ei ddathlu ar Ionawr 25ain. Dyma'r diwrnod ble mae'r Cymry yn dathlu eu cariad ac yn dathlu'r person pwysig yn eu bywyd (mae rhai yn ei weld fel fersiwn Cymru o Wyl Sant Ffolant). Cyn i chi gyflwyno'r gweithgareddau isod, gwnewch yn sicr eich bod yn gyfarwydd a stori Dwynwen, nawddsant cariadon Cymru. Cliciwch yma (BBC) or yma (Wicipedia) i ddysgu mwy am stori Dwywnen.
Stori Dwynwen
Darllenwch stori Dwynwen a Maelon i'ch disgyblion cyn iddyn nhw dynnu lluniau o'r digwyddiadau.
Stori Dwynwen
Meithrin/Derbyn - Bl 1/2 - Bl 3/4
Mae stori Santes Dwynwen werth ei ddysgu i'ch disgyblion, felly beth am roi'r cyfle iddynt ymarfer ei sgiliau prosesu geiriau drwy ail ddweud y stori drwy luniau neu eiriau. Mae fersiynau gwahanol o'r gweithgaredd yma i oedrannau a galluoedd gwahanol.
Darllenwch stori Dwynwen i'r disgyblion.
Meithrin
Gan ddefnyddio Purple Mash neu J2E, gall disgyblion dynnu llun o Dwynwen ac yno teipio eu henwau (neu lythyren gyntaf eu henwau) o danodd.
Derbyn
Disgyblion i dynnu llun o'r prif gymeriadau (gan ddefnyddio Purple Mash neu J2E). Dylent wedyn deipio enwau'r cymeriadau o danodd.
Blynyddoedd 1/2
Defnyddio 2Create a story (Purple Mash), gall disgyblion dynnu lluniau a theipio stori Dwynwen mewn brawddegau syml. Gallent ddefnyddio banc geiriau a brawddegau i'w helpu.
Blynyddoedd 3/4
Dylai chi deipio fersiwn syml o stori Dwynwen a rhannu copi digidol gyda'r disgyblion. Gallent nhw wedyn olygu geiriau o fewn y stori i wneud fersiwn wallgof ohoni. Gweler y gweithgaredd 'Ail-greu Stori Tylwyth Teg' yn 4.2 Creu, Blwyddyn 4.
Meini Prawf Llwyddiant
Meithrin
- Rwy'n gallu tynnu llun gyda'r llygoden.
- Rwy'n gallu teipio llythrennau gyda'r bysellfwrdd.
Derbyn
- Rwy'n gallu tynnu lluniau gyda'r llygoden.
- Rwy'n gallu teipio enwau gyda'r bysellfwrdd.
Blynyddoedd 1/2
- Rwy'n gallu teipio brawddegau, gan ddefnyddio prif lythrennau ac atalnod llawn.
Blynyddoedd 3/4
- Rwy'n gallu newid lliw, maint a ffont testun.
- Twy'n gallu ychwanegu, newid maint a thocio lluniau o'r cyfrifiadur ac o'r we.
Elfennau Fframwaith
Prif Elfen(nau) Fframwaith
3.1 - Cynllunio, Cyrchu a Chwilio (Meithrin/Derbyn)
3.2 - Creu (Pob Oedran)
Elfen(nau) Fframwaith Eraill
2.3 Storio a Rhannu
3.3 Gwerthuso a Gwella
Codio Drysfa Dwynwen
Blynyddoedd 5/6
Mae ein chwedlau gwych o seintiau, cariad, hud a lledrith yn gallu ymddangos yn hen ffasiwn i rai disgyblion. Pa ffordd well o ddod a'r storiau hyn i'r unfed ganrif ar hugain na greu gêm gyfrifiadurol yn serenu Dwynwen a Maelon?
- Cyflwynwch y weithgaredd 'Drysfa Digyffwrdd' o Flwyddyn 6, Datrys Problemau a Modelu' gan ddefnyddio Dwynwen fel eich prif gymeriad a'r cymeriadau ac agweddau ei stori fel gwrthrychau iddi ryngweithio gyda, er enghraifft:
- Gall y cefndir fod yn edrych fel y fforest y bu iddi redeg iddo.
- Gelith gasglu tri gwrthrych yn cynrychioli ei thri dymuniad.
- Gall eglwys Llanddwyn fod yn darged diwedd y ddrysfa iddi.
- I'r disgyblion mwy hyderus, gall Maelon a Brychan fod yn 'elynion' iddi eu hosgoi.
Gwahaniaethu
Sialens
- Ychwanegwch 'elynion' sydd angen eu hosgoi. Gallent fod yn llonydd neu yn symud.
- I wneud hyn, defnyddiwch yr un cod ac ar gyfer cyffwrdd y waliau ond ei newid o 'cyffwrdd lliw' i 'cffwrdd cymeriad'.
Meini Prawf Llwyddiant
- Rwy’n gallu codio gêm ar lwyfan gweledol llawn gan ddefnyddio cod enghreifftiol.
- Rwy’n gallu amrywio codluniau, cefndiroedd a chodau i wneud fy ngêm yn ddiddorol.
Elfennau Fframwaith
Prif Elfen(nau) Fframwaith
4.1 - Datrys Problemau a Modelu
Fideo Tair Ffaith
Defnyddiwch sgiliau golygu fideo ar yr iPad i greu fideo syml yn cyflwyno ffeithiau am Ddiwrnod Santes Dwynwen.