Menu

Iechyd a Lles

1.2

Cyflwyniad

Mae ‘Iechyd a Lles’ yn ymwneud yn bennaf gyda chydbwyso amser sgrin gydag amser chwarae mwy egnïol a sicrhau bod disgyblion yn deall bod cyfyngiadau oedran i ambell dechnoleg.

Does dim angen rhoi sylw helaeth i’r elfen yma ym Mlwyddyn 1, ond mae angen i chi sicrhau bod eich disgyblion yn ymgyfarwyddo gyda chyfyngiadau amser ar eu defnydd o dechnoleg.

Fframwaith

1.2 - Iechyd a Lles

  • defnyddio dyfeisiau digidol o fewn amgylchedd, amser a chyd-destun rheoledig, e.e. defnyddio dyfais am gyfnod penodol ac er mwyn sicrhau canlyniad penodol.

Geirfa

cyfyngiad amser     amser sgrin   

Mae’r llinyn Dinasyddiaeth ychydig yn wahanol i’r tri arall gan ei fod yn canolbwyntio cymaint ar wybodaeth ag y mae ar sgiliau. Mae yna hefyd gynlluniau Diogelwch Ar-lein blwyddyn ar flwyddyn a grewyd gan Grid ar gyfer Dysgu’r De Orllewin (SWGfL) ar ran Llywodraeth Cymru sydd yn cynnwys llawer o’r llinyn Dinasyddiaeth.

20161118_141908

Adnodd Diogelwch Ar-Lein SWGfL

Rydyn ni felly yn cyfyngu ein hunain yn y llinyn Dinasyddiaeth i rai awgrymiadau cyflym, gan ganolbwyntio ar yr ychydig agweddau hynny o Ddinasyddiaeth sydd heb eu gynnwys yng nghynlluniau SWGfL.

Gweithgareddau

Yn anffodus, dydy cynlluniau gwaith SWGfL ar gyfer Blwyddyn 1 ddim yn delio gyda cyfyngu ar amser sgrin ac felly rhaid i chi sicrhau eich bod yn trafod yr elfen yma ar wahân. Dyma rai gweithgareddau y gallech eu hystyried:

  • Yn ystod amser annibynnol, darparwch gloc cyfrif i lawr pan fo’r disgyblion yn defnyddio iPad.Pan fo disgyblion yn dechrau defnyddio’r iPad, maen nhw’n cychwyn y cloc cyfrif i lawr/amserydd tywod. Canmolwch a gwobrwywch y rhai sydd yn stopio yn annibynnol pan fo’u hamser ar ben.
  • Cynhaliwch drafodaethau grŵp neu ddosbarth ynghylch pam y dylem gyfyngu ar amser sgrin.

Pan fo iPads allan ar gyfer tasg benodol, atgoffwch y disgyblion mai dim ond i’r diben hwnnw y dylid eu defnyddio. Gall defnyddio Mynediad dan Arweiniad helpu i’w hatal rhag gadael yr ap rydych chi wedi’i ddethol.