Menu

Storio a Rhannu

2.3

Cyflwyniad

Gofynnwch i unrhyw athro/athrawes CA2 beth maen nhw’n feddwl am sgiliau arbed eu disgyblion ac mae’n debygol y byddwch yn clywed straeon am golli amser mewn sawl gwers oherwydd nad ydy gwaith wedi cael ei gadw’n gywir. Ond ydyn nhw’n rhy ifanc ym Mlwyddyn 1 i arbed eu hunain? Dim o gwbl!

Ym Mlwyddyn 1, dylai disgyblion ddechrau enwi eu gwaith wrth arbed.

Fframwaith

2.3 - Storio a Rhannu

  • arbed gwaith gan ddefnyddio gair cyfarwydd fel enw i'r ffeil, e.e. enw plentyn/allweddair gan ddeall y gellir adfer y gwaith hwn.

Sgil wrth Sgil

  • Arbed gwaith yn lleol, gyda chefnogaeth.

(EAS ICT Skills Framework)

Geirfa

arbed/cadw   agor     botwm     gwaith     ffolder    enw ffeil

Tasg Ffocws

Arbed, Arbed, Arbed!

FullSizeRender

Mae yna dri cham i arbed yn gywir, a gellir dysgu’r camau yma ar yr oedran cynnar yma:

  1. Cofiwch glicio’r botwm ‘Arbed’. Dylai disgyblion fod wedi datblygu’r arferiad yma yn y Meithrin, ond mae eu hatgoffa yn rheolaidd yn dal yn bwysig.
  2. Arbed yn y ffolder gywir. Peidiwch â phoeni gormod am yr agwedd yma ar hyn o bryd. Os ydych yn defnyddio meddalwedd fel Purple Mash neu J2E yna fel rheol fe fydd y ffolder gywir yn cael ei dewis yn awtomatig.
  3. Dewis enw ffeil priodol. Hyd yn oed yn CA2, ni fydd llawer o ddisgyblion yn enwi eu dogfennau, neu fe fyddan nhw yn eu henwi mewn ffordd sydd yn ei gwneud yn anodd i’w hadnabod yn nes ymlaen. Dysgwch eich disgyblion y dylen nhw deipio eu henw ac enw’r gwaith pan fyddan nhw’n arbed, e.e. ‘Dafydd – llythyr Siôn Corn’ (Mae’n amlwg y bydd angen i chi roi teitl y gwaith iddyn nhw ei gopïo bob tro).

Y gyfrinach, fel gyda phob sgil, ydy modelu a rhoi cyfleoedd i ymarfer.

Cofiwch

  • Esboniwch yn glir i’r disgyblion pam maen nhw’n cadw. Ailagorwch eu gwaith ar ddyfais wahanol i ddangos beth mae cadw yn ei feddwl.

Darpariaeth Bellach

Arbed Popeth

  • Gwnewch yn siŵr bod yna luniau mawr o’r gwahanol fotymau Arbed wrth ymyl eich cyfrifiaduron y gallan nhw ddod ar eu traws (yn dibynnu ar y meddalwedd rydych chi’n ei ddefnyddio yn y dosbarth, o bosibl Purple Mash neu J2E).
  • Bob tro mae disgybl yn defnyddio cyfrifiadur, boed ar gyfer tasg benodol neu fel darpariaeth estynedig, anogwch nhw i arbed eu prosiect. (Cofiwch roi teitl iddyn nhw i’w gopïo fel rhan o’u henw ffeil).