Menu

Hunaniaeth, Delwedd ac Enw Da

1.1

Cyflwyniad

'Mae Hunaniaeth, Delwedd ac Enw Da’ yn golygu cadw ein data personol yn ddiogel ar-lein. Ym Mlwyddyn 2 rydyn ni’n edrych ar yr hyn sydd yn cael ei ystyried yn ‘wybodaeth bersonol a phreifat’ a beth i’w wneud pan fo gwefan yn gofyn amdano.

Fframwaith

1.1 - Hunaniaeth, Delwedd ac Enw Da

  • Deall bod rhoi gwybodaeth ar-lein yn gadael ôl-troed digidol, e.e. esbonio ystyr ôl-troed digidol a'u hannog i feddwl yn feirniadol am yr wybodaeth y maent yn ei rhoi ar-lein
  • Pennu'r camau y gellir eu cymryd i gadw caledwedd a data personol yn ddiogel, e.e. deall enwau defnyddiwr a chyfrineiriau, pam rydym yn eu defnyddio a sut i'w cadw'n ddiogel.

Geirfa

preifat    personol     gwybodaeth    gwefannau

Mae’r llinyn Dinasyddiaeth ychydig yn wahanol i’r tri arall gan ei fod yn canolbwyntio cymaint ar wybodaeth ag y mae ar sgiliau. Mae yna hefyd gynlluniau Diogelwch Ar-lein blwyddyn ar flwyddyn a grewyd gan Grid ar gyfer Dysgu’r De Orllewin (SWGfL) ar ran Llywodraeth Cymru sydd yn cynnwys llawer o’r llinyn Dinasyddiaeth.

20161118_141908

Adnodd Diogelwch Ar-Lein SWGfL

Rydyn ni felly yn cyfyngu ein hunain yn y llinyn Dinasyddiaeth i rai awgrymiadau cyflym, gan ganolbwyntio ar yr ychydig agweddau hynny o Ddinasyddiaeth sydd heb eu gynnwys yng nghynlluniau SWGfL.

Gweithgareddau

Deall yr ôl troed digidol

Gelwir Gwers 2, Blwyddyn 2 o’r cynlluniau Diogelwch Ar-lein SWGfL yn ‘Dilyn y Llwybr Digidol’ ac mae yma gasgliad o adnoddau a syniadau ar gyfer gweithgareddau sydd yn delio’n drylwyr gyda’r agwedd yma o’r elfen.

Nodi camau i gadw gwybodaeth bersonol yn breifat

  • Holwch eich disgyblion beth sy’n cadw ein gwybodaeth yn ddiogel ar-lein? Sut y gallan nhw fod yn sicr na fydd eu ffrindiau yn mewngofnodi i’w cyfrifon ysgol ar-lein (e.e. Hwb, Purple Mash, Sumdog)?
  • Trafodwch pam bod gennym ni gyfrineiriau, cymharwch nhw gyda chlo ar sêff.
  • Gofynnwch iddyn nhw gyda phwy y gallan nhw rannu eu cyfrinair? (Rhiant/Gwarcheidwad). Atgoffwch nhw na ddylai hyd yn oed eu ffrind gorau gael mynediad i’w cyfrinair.