Menu

Cydweithio

2.2

Cyflwyniad

Yn llawer rhy hir, mae ‘Cydweithio’ gyda thechnoleg wedi bod yn grŵp o dri yn casglu o amgylch cyfrifiadur, un yn gwneud y gwaith, un arall yn rhoi rhywfaint o gyngor a’r trydydd yn cymryd dim rhan o gwbl!

Mae ‘Cydweithio’ ym Mlwyddyn 2 yn cymryd cam mawr ymlaen. Dyma’r tro cyntaf i’r disgyblion brofi cydweithio digidol gwirioneddol – dau ddisgybl yn gweithio ar un ddogfen o wahanol ddyfeisiadau.

Fframwaith

2.2 - Cydweithio

  • defnyddio platfform cydweithio ar-lein i greu neu i olygu ffeil, e.e. prosesu geiriau, rhaglenni cyflwyno, taenlenni.

Sgil wrth Sgil

Defnyddio technoleg cydweithio i weithio ar un ddogfen o ddau ddyfais.

Geirfa

gweithio gyda’i gilydd     ar-lein     cydweithio

Gweithgaredd 1

Bywiogi’r Gwaith

Yn y dasg ragarweiniol syml yma, fe fydd y disgyblion yn ychwanegu delweddau ac yn newid maint ffont a lliw i wneud i ddarn o destun edrych yn fwy diddorol. Mae’r sgiliau angenrheidiol i wneud hynny yn cael eu trafod yn y gweithgareddau ‘Creu’ yn 3.2, felly gwnewch yn siŵr eich bod yn dysgu hynny iddyn nhw’n gyntaf (neu cyfunwch y ddau).

Paratoi:

  1. Agorwch raglen brosesu geiriau cydweithio (2Write ar Purple Mash ydy’r symlaf, ond gallwch wneud y gweithgaredd gyda Google Docs neu Word 365 trwy Hwb hefyd).
  2. Teipiwch rigwm syml a’i chadw.
  3. Gwnewch gopïau o’r ddogfen fel bod gan pob pâr o ddisgyblion un yr un.
Disgrifio Castell

Gweithgareddau:

  1. Atgoffwch eich disgyblion sut i newid maint a lliw testun (gweler 3.2 ‘creu’) a sut i ychwanegu delweddau. (Cafodd hyn ei ddysgu ym Mlwyddyn 1. Mae’r ffordd i wneud hynny yn amrywio ychydig yn dibynnu ar y rhaglen brosesu geiriau rydych chi wedi’i dewis).
  2. Agorwch gopi o’ch rhigwm ar ddau ddyfais, un ohonyn nhw’n gysylltiedig gyda’ch taflunydd.
  3. Ar y ddyfais nad yw’n gysylltiedig gyda’ch taflunydd, dechreuwch newid maint a lliw y geiriau. Nodwch y gallwch olygu’r ddogfen o’r ddau gyfrifiadur.
  4. Mae parau o ddisgyblion yn cymryd cyfrifiadur eu hunain ac yn agor y ddogfen trwy glicio ar yr eicon cywir.
  5. Mae’r parau yn golygu lliw a maint y testun yn ôl eu dewis nhw ar yr un pryd cyn ychwanegu rhai delweddau o dan y rhigwm.

Cofiwch:

  1. Os nad oes gan eich ysgol Purple Mash yna fe fydd angen i chi ddefnyddio G Suite for Education neu Office 365 (Mae’r ddau am ddim a mae cyfrifon gan eich disgyblion drwy Hwb.)
  2. Fe fyddwch angen copi gwahanol o’r rhigwm ar gyfer pob pâr i weithio arnyn nhw.
  3. Gallwch gael y ffolder cywir ar agor iddyn nhw ar y cyfrifiadur, ond gadewch iddyn nhw ddarganfod a chlicio ar yr eicon cwir i agor y ddogfen.

Meini Prawf

  • Gallwn weithio gyda’n gilydd ar un ddogfen ond ar ddau gyfrifiadur.

Elfennau Fframwaith Eraill

1.3 Hawliau Digidol, Trwyddedu a Pherchnogaeth

Fe fydd disgyblion yn clicio ar eicon i agor gwaith.

3.2 Creu

Mae’r gweithgaredd yma yn gyfle i ymarfer sgiliau prosesu geiriau o 3.2 ‘Creu’.

3.3 – Gwerthuso a gwella

Eich asesiad cymheiriaid ac/neu hunanwerthusiad arferol.

Geirfa

gweithio gyda’i gilydd     cydweithio     testun     maint     lliw     mewnosod

Darpariaeth Bellach

Ymgyfarwyddo gyda Chydweithio

Rhowch cymaint o gyfleoedd â phosibl i’ch disgyblion weithio gyda’i gilydd ar waith cydweithredol. Fe fyddan nhw’n defnyddio llawer o feddalwedd prosesu geiriau a chyflwyno yn CA2, ac felly dyma gyfle iddyn nhw ymgyfarwyddo gyda meddalwedd o’r fath.