Menu

Cyflwyno

3.2 - Creating

Cyflwyniad

Dyma’r tro cyntaf i’ch disgyblion gael eu cyflwyno i feddalwedd cyflwyno, a ddaw yn offeryn pwysig iddyn nhw yng Nghyfnod Allweddol 2.

Ym Mlwyddyn 2 fe fyddwn yn cadw pethau’n syml trwy ddysgu sut i ychwanegu testun a delweddau i un sleid.

Fframwaith

3.2 - Creu

  • Creu a golygu cydrannau aml-gyfryngol er mwyn datblygu testun, delwedd, sain, animeiddiad a fideo ar gyfer ystod o dasgau.

Sgil wrth Sgil

  • Dechreuwch greu cyflwyniadau amlgyfryngau gan ddefnyddio meddalwedd syml fel 2Simple neu Powerpoint.

(EAS ICT Skills Framework)

Geirfa

cyflwyno     delwedd     blwch testun     tocio     ailfeintio    sleid   cefndir     fideo     sain    strwythur     enw ffeil     ffolder

Gweithgaredd 1

Cyflwyno Cyflwyniadau

first presentation

Yn y gweithgaredd yma fe fydd y disgyblion yn creu sleid ar unrhyw bwnc o’u dewis nhw (seren, tîm chwaraeon, Pokemon, unrhyw beth!). Ond gwnewch yn siŵr eich bod yn treulio amser yn canolbwyntio ar y sgiliau digidol sydd eu hangen.

Paratoi:

  • Lluniwch sleid enghreifftiol ar unrhyw bwnc gan ddefnyddio Keynote, Google Slides neu PowerPoint. Fe fydd angen teitl yng nghanol y sleid, digon o ddelweddau o’r we ac ychydig o frawddegau gyda ffeithiau neu farn am y pwnc.

Gweithgareddau:

  1. Dechreuwch trwy ddangos eich cyflwyniad enghreifftiol. Nodwch bod ganddo bennawd mawr, ychydig o ffeithiau a delweddau.
  2. Dangoswch i’r disgyblion sut i agor y meddalwedd cyflwyno rydych wedi ei ddewis (Slides, PowerPoint neu Keynote) a dechreuwch ffeil newydd.
  3. Fe fydd angen i chi ddangos y sgiliau canlynol:
    1. Ychwanegu blwch testun newydd.
    2. Newid maint y ffont.
    3. Mewnosod delweddau o’r we.
  4. Gofynnwch i’r disgyblion am syniadau ar y pwnc y bydden nhw’n ei ddewis ar gyfer cyflwyniad.
  5. Mae’r disgyblion yn gweithio’n unigol i greu sleid ar eu dewis bwnc.
  6. Dangoswch yr holl sleidiau i’r dosbarth pan fydd pawb wedi cwblhau’r dasg.

Cofiwch

  • Mae’n debygol na fydd gennych ddigon o ddyfeisiadau i bob disgybl yn y dosbarth gael un yr un. Ni ddylid rhannu cyfrifiaduron. Nid dyna ydy diben yr elfen yma. Trefnwch bod un grŵp yn gweithio ar y tro.

Meini Prawf

  • Rwy’n gallu creu sleid ar unrhyw bwnc.
  • Rwy’n gallu ychwanegu testun a deweddau at fy sleid.

Elfennau Fframwaith Eraill

2.3 Storio a Rhannu

Fe ddylai dsgyblion Blwyddyn 2 ddysgu sut i enwi eu ffeiliau wrth eu harbed. Mae hwn yn gyfle i ymarfer!

3.1 Cynllunio, Cyrchu a Chwilio

Trafodwch pa allweddeiriau i’w defnyddio pan yn chwilio ar-lein am ddelweddau.

3.3 Gwerthuso a Gwella

Eich asesiad cymheiriaid ac/neu hunanwerthusiad arferol.

 

Geirfa

cyflwyniad     sleid     blwch testun      delweddau     mewnosod

Syniadau Amrywio

Cyflwyniad ydy un o’r sgiliau technoleg mwyaf amryddawn. Gallwch ddewis unrhyw bwnc ar gyfer eich gwers. Cofiwch peidio â chymryd yn ganiataol eu bod yn gwybod sut i greu cyflwyniad, rhaid i chi ddangos iddyn nhw.

Darpariaeth Bellach

Oherwydd y bydd meddalwedd cyflwyno yn dod mor hanfodol yn nes ymlaen, mae’n gyfle da i’ch disgyblion ymarfer eu sgiliau trwy ailadrodd y brif dasg benodol gyda llawer o wahanol bynciau yn ystod Blwyddyn 2.  Dyma rai awgrymiadau:

  • Sleid amdanyn nhw’u hunain, gyda’u henw ac ychydig o frawddegau disgrifiadol ynghyd â rhai delweddau o’r we o’u hoff bethau.
  • Sleid am eu hoff gymeriad animeiddio o ffilmiau Disney / Pixar / Dreamworks.
  • Sleid amdanoch chi, eu hathro/athrawes (os ydych yn meiddio!)