Blwyddyn 2 - 3.3

Gwerthuso a Gwella

3.3

Cyflwyniad

Mae gwerthuso a gwella gwaith yn gonglfaen addysgu a dysgu. I feistrioli’r elfen yma o’r Fframwaith Cymhwysedd Digidol, does dim angen i chi o angenrhaid ddefnyddio technoleg. Gall eich disgyblion ddefnyddio’r technegau hunanasesu ac asesiadau cymheiriaid y maen nhw’n gyfarwydd â nhw.

Ond, wedi dweud hynny, mae yna ffyrdd ardderchog o ddefnyddio technoleg yn effeithiol ar gyfer hunanasesu ac asesiadau cymheiriaid. Dyma rai awgrymiadau isod.

Fframwaith

3.3 - Gwerthuso a Gwella

nodi beth weithiodd/beth na weithiodd, gan nodi rhesymau am eu barn.

Sgil wrth Sgil

Trafodwch beth wnaeth weithio, a beth wnaeth ddim gweithio, gyda’u gweithgaredd.

Geirfa

meini prawf llwyddiant targed cyflawni gwella

Gweithgareddau

Mae'r elfen yma yn gofyn i ddisgyblion i esbonio os ydynt wedi cyrraedd y meini prawf. Dyma rai esiamplau o sut i ddefnyddio technoleg i'r math yma o weithgaredd.

Llanwch brosiect Book Creator ar iPad gyda ffotograffau o’r disgyblion wrth eu gwaith. Mae pob plentyn (gyda chefnogaeth) yn creu recordiad llais (neu fideo) yn esbonio beth roedden nhw’n ei wneud yn y lluniau, beth wnaeth weithio’n dda a beth wnaeth ddim gweithio.
Maen nhw’n tynnu llun o’u gwaith ac ar ôl i chi ei roi i mewn i’r prosiect Book Creator, gall y disgyblion recordio fideo neu recordiad llais yn esbonio beth maen nhw wedi ei wneud a beth wnaeth weithio’n dda. Maen nhw hefyd yn gallu disgrifio beth wnaeth ddim gweithio cystal.
Rhowch rai darnau o waith arbennig ar y wal/llinyn. Mae’r disgyblion yn defnyddio dyfais recordio llais bychan (e.e. peg, bwrdd gwyn etc – mae yna nifer o offer o’r fath ar werth i ysgolion) i ddisgrifio beth maen nhw wedi ei wneud yn y dasg honno a pha mor dda wnaethon nhw.
Mae disgyblion yn ffilmio ei gilydd gan ddefnyddio iPad, ac yn esbonio beth wnaeth weithio’n dda a beth wnaeth ddim gweithio’n dda, a pham.

Cofiwch mai gwerthuso sydd yn bwysig. Mae angen iddyn nhw esbonio beth wnaeth weithio’n dda, beth wnaeth ddim gweithio’n dda, a pham hynny.