Blwyddyn 2 - 4.2

Llythrennedd Gwybodaeth a Data

4.2

Cyflwyniad

Mae ‘Llythrennedd a Gwybodaeth Data' yn elfen ddiddorol. Mae’n canolbwyntio ar gasglu, didoli a chyflwyno data.

Gall yr elfen yma fod yn ymdrech i athrawon CA2 wrth iddyn nhw ddelio gyda chronfeydd data a thaenlenni, ond i chi yn y Cyfnod Sylfaen mae’n debygol y byddwch yn darganfod eich bod eisoes yn dysgu’r rhan fwyaf o’r sgiliau yma trwy eich gwaith Rhifedd.

Fframwaith

4.1 - Llythrennedd Gwybodaeth a Data

Casglu data, a'i drefnu'n grwpiau, e.e. casglu data drwy bleidleisio neu sortio a chyfleu hynny gyda lluniau neu wrthrychau
Tynnu gwybodaeth o dablau a graffiau syml, e.e. ateb cwestiynau ar bapur graff
Cofnodi data a gesglir mewn amrywiaeth o fformatau priodol, e.e. rhestrau, tablau, graffiau bloc a phictogramau.

Sgil wrth Sgil

Darganfod gwybodaeth o ffynhonnell neilltuol, ei ddefnyddio i ateb cwestiynau syml.
Casglu a recordio gwybodaeth ar raglen graffio syml (e.e. pictogram, siart bloc, siart cyfrif).
Nodi mathau o feysydd mewn cronfa ddata.
Rhoi gwybodaeth mewn cofnod o raglen crofna ddata syml gyda rhywfaint o gymorth.

(EAS ICT Skills Framework)

Geirfa

grŵp didoli casglu pictogram cyfrif bloc cronfa ddata maes

Gweithgaredd 1

Amser Arolwg

Mae’r gweithgaredd yma’n debyg iawn ym Mlwyddyn 2 i’r un ym Mlwyddyn 1. Mae angen i’r disgyblion gasglu gwybodaeth trwy siart cyfrif, yna creu graff bloc a pictogram gyda’r data a gasglwyd.

Dylai’r disgyblion greu siart cyfrif (ar bapur) a chasglu atebion i gwestiynau fel:

Hoff ffrwyth, mân fwystfil, lliw y disgyblion etc.
Sut mae disgyblion yn dod i’r ysgol (car, cerdded, bws, beic).
Beth wnaethon nhw ddarganfod ar helfa mân fwystfilod.

Yna, mewngofnodwch i feddalwedd pictogram neu siart bloc syml fel 2Count / 2Graph (Purple Mash) neu JIT (J2e in Hwb). Dylai disgyblion greu pictogram gan ddefnyddio data maen nhw wedi’i gasglu mewn siartiau cyfrif yn y dosbarth.

Ar gyfer y pictogramau, fe fydd angen i’r disgyblion ddarganfod llun i fynd gyda phob bar a’i osod i’r rhif cywir. Os ydyn nhw’n creu pictogram neu siart bloc, dylai’r disgyblion nodi’r enwau meysydd eu hunain.

Meini Prawf

Rwy’n gallu cofnodi gwybodaeth ar siart cyfrif.
Rwy’n gallu creu pictogram a siart bloc i ddangos fy nata.

Elfennau Fframwaith Eraill

2.3 – Storio a Rhannu

Fe fydd angen i’r disgyblion arbed eu gwaith a dewis enw ffeil da.

3.2 - Creu

Mae’r dasg yma yn cynnwys creu gan fod yna gyfuniad o ddelweddau a thestun.

3.3 – Gwerthuso a Gwella

Eich asesiad cymheiriaid ac/neu hunanasesiad arferol.

Geirfa

siart cyfrif pictogram siart bloc meysydd teitl

Syniadau Amrywio

Mae’n amlwg y gall yr arolwg fod ar unrhyw bwnc, ond cadwch brif agweddau’r gweithgaredd fel ag y maen nhw fel bod y disgyblion yn creu siartiau cyfrif, pictogramau a siartiau bloc.

Gweithgaredd 2

Darllen Grafff

Dyma sgil rydych wedi bod yn ei ddysgu yn eich gweithgareddau Rhifedd am flynyddoedd ac felly ni ddylai greu unrhyw anhwaster i chi. Cyflwynwch graff syml i’ch disgyblion yn dangos data fel:

Hoff anifeiliaid anwes 20 o blant.
Nifer yr adar o bob rhywogaeth a nodwyd yn ystod sesiwn gwylio adar.
Lliwiau ceir ym maes parcio’r ysgol.

Fe fydd angen i’r disgyblion ateb cwestiynau fel:

Pa anifail anwes oedd fwyaf poblogaidd?
Faint o geir gwyn oedd yn y maes parcio?
Wnaethon nhw weld mwy o adar du neu wylanod y môr?

Meini Prawf

Rwy’n gallu darganfod data mewn graff.

Elfennau Fframwaith Eraill

Dim

Geirfa

siart cyfrif pictogram siart bloc meysydd

Syniadau Amrywio

Ailadroddwch y gweithgaredd yn aml gyda gwahanol fathau o dablau a graffiau a gyda gwahanol ddata.

Darpariaeth Bellach

Arolygon Personol

Gadewch iddyn nhw greu eu harolygon eu hunain yn ystod eu cyfnod dysgu annibynnol. Mae modd iddyn nhw ddefnyddio’r un meddalwedd pictogram ag y gwnaethon nhw yn ystod y dasg benodol, neu argraffwch a lamineiddiwch siartiau cyfrif a phictogramau gwag iddyn nhw gael creu eu harolygon eu hunain.