Menu

Hunaniaeth, Delwedd ac Enw Da

1.1

Cyflwyniad

Mae 'Hunaniaeth, Delwedd ac Enw Da’ yn golygu cadw ein data personol yn ddiogel ar-lein. Ym Mlwyddyn 3 rydyn ni’n canolbwyntio ar greu cyfrineiriau a deall y rheolau ar rannu data pobl eraill.

Fframwaith

1.1 - Hunaniaeth, Delwedd ac Enw Da

  • Bod yn ymwybodol o reolau syml ar gyfer rhannu lluniau a data, e.e. deall na ellir cymryd lluniau o bobl eraill na'u rhannu ar-lein heb gael caniatâd o flaen llaw
  • Defnyddio strategaethau i greu a chadw cyfrineiriau diogel a chryf, e.e. dewis 3 neu 4 gair ar hap a'u huno neu ddefnyddio priflythrennau a rhifau.

Geirfa

data     gwybodaeth     rhannu   cyfrinair    diogel     priflythrennau     cymeriadau arbennig

Mae’r llinyn Dinasyddiaeth ychydig yn wahanol i’r tri arall gan ei fod yn canolbwyntio cymaint ar wybodaeth ag y mae ar sgiliau. Mae yna hefyd gynlluniau Diogelwch Ar-lein blwyddyn ar flwyddyn a grewyd gan Grid ar gyfer Dysgu’r De Orllewin (SWGfL) ar ran Llywodraeth Cymru sydd yn cynnwys llawer o’r llinyn Dinasyddiaeth.

20161118_141908

Adnodd Diogelwch Ar-Lein SWGfL

Rydyn ni felly yn cyfyngu ein hunain yn y llinyn Dinasyddiaeth i rai awgrymiadau cyflym, gan ganolbwyntio ar yr ychydig agweddau hynny o Ddinasyddiaeth sydd heb eu gynnwys yng nghynlluniau SWGfL.

Gweithgareddau

Rhannu Delweddau a Data

    1. Lluniwch set o reolau ar gyfer rhannu delweddau a’u troi yn boster/fideo/cân.
    2. Casglwch set o ddelweddau a gwybodaeth, rhai a fyddai’n iawn i’w rhannu heb ganiatâd, a rhai na fyddai’n iawn (e.e. llun o fynydd vs llun o ffrind neu ‘Mae Ifan yn hoffi Pizza vs ‘Mae Megan Jones yn byw ym Mhenygroes’). Yna gall y disgyblion eu rhoi mewn grwpiau ‘Gallu Rhannu’, ‘Dim yn gallu Rhannu’.

Strategaeth Cyfrinair

  1. Mae Gwers 1, Blwyddyn 3 o’r cynlluniau dysgu Diogelwch ar-lein SWGfL yn delio gyda ‘Chyfrineiriau Pwerus’.
  2. Defnyddiwch howsecureismypassword.net i geisio meddwl am gyfrineiriau cryf a chofiadwy. Pwy sydd yn gallu dyfeisio cyfrinair cofiadwy a fyddai’n cymryd yr amser hiraf i’w ddatrys?