Menu

Hawliau Digidol, Trwyddedu a Pherchnogaeth

1.3

Cyflwyniad

Mae ‘Hawliau Digidol, Trwyddedu a Pherchnogaeth’ yn delio’n bennaf gyda hawlfraint a phwysigrwydd cydnabod ffynonellau.

Ym Mlwyddyn 3 dim ond ychydig agweddau o’r pwnc y byddwn yn eu trafod, gan gynnwys pwysigrwydd rhoi cydnabyddiaeth lle mae cydnabyddiaeth yn ddyledus.

Fframwaith

1.3 - Hawliau Digidol, Trwyddedu a Pherchnogaeth

  • Esbonio sut mae rhoi credyd i rywun yn arwydd o barch
  • Esbonio pryd a sut y mae'n iawn i ddefnyddio gwaith pobl eraill.

Geirfa

perchennog     hawlfraint     cydnabyddiaeth parch    dyfrnodau

Mae’r llinyn Dinasyddiaeth ychydig yn wahanol i’r tri arall gan ei fod yn canolbwyntio cymaint ar wybodaeth ag y mae ar sgiliau. Mae yna hefyd gynlluniau Diogelwch Ar-lein blwyddyn ar flwyddyn a grewyd gan Grid ar gyfer Dysgu’r De Orllewin (SWGfL) ar ran Llywodraeth Cymru sydd yn cynnwys llawer o’r llinyn Dinasyddiaeth.

20161118_141908

Adnodd Diogelwch Ar-Lein SWGfL

Rydyn ni felly yn cyfyngu ein hunain yn y llinyn Dinasyddiaeth i rai awgrymiadau cyflym, gan ganolbwyntio ar yr ychydig agweddau hynny o Ddinasyddiaeth sydd heb eu gynnwys yng nghynlluniau SWGfL.

Gweithgareddau

Yn anffodus dydy cynlluniau gwaith SWGfL ddim yn cynnwys hawlfraint a sut i’w gydnabod, felly fe fydd rhaid i chi sicrhau eich bod yn trafod yr elfen yma ar wahân. Ond, dydy’r elfen yma ddim yn cael y prif sylw ym Mlwyddyn 3 ac felly dylai fod yn hawdd i’w gynnwys. Dyma rai gweithgareddau y gallech eu hystyried:

  • Pan fo’r disgyblion yn chwilio ar-lein am ddelweddau ar gyfer tasg arall (e.e. '3.2b Cyflwyno'), amlygwch y delweddau sydd â dyfrnodau ar eu traws. Trafodwch pam bod y dyfrnodau yno (h.y. i atal pobl rhag defnyddio’r delweddau heb dalu i’r perchennog). Perswadiwch y disgyblion i beidio â defnyddio delweddau o’r fath yn eu gwaith gan y byddai hynny yn ffurf ar ddwyn.
  • Gofynnwch i’r disgyblion roi cydnabyddiaeth i lyfrau neu wefannau maen nhw wedi eu defnyddo wrth ymchwilio. Does dim angen rhestr fanwl o ffynonellau – fe ddaw hynny’n nes ymlaen.