Menu

Iechyd a Lles

1.2

Intro

Mae ‘Iechyd a Lles’ yn ymwneud yn bennaf gyda chydbwyso amser sgrin gydag amser chwarae mwy egnïol a sichrau bod y disgyblion yn deall bod gan rai technolegau gyfyngiadau oedran.

Fframwaith

1.2 - Iechyd a Lles

  • adnabod dylanwadau cadarnhaol a negyddol technoleg ar iechyd a'r amgylchedd, e.e. ystyried y gwahanol ffyrdd y mae amser sbâr yn cael ei dreulio a dechrau dod o hyd i gydbwysedd rhwng gweithgareddau actif, gweithgareddau dysgu a gweithgareddau digidol
  • deall pwysigrwydd cydbwyso'r amser a dreulir yn syllu ar y sgrin ac yn chwarae gemau â rhannau eraill bywyd.

Geirfa

Cydbwysedd amser sgrin     pethau cadarnhaol     pethau negyddol     egnïol

Mae’r llinyn Dinasyddiaeth ychydig yn wahanol i’r tri arall gan ei fod yn canolbwyntio cymaint ar wybodaeth ag y mae ar sgiliau. Mae yna hefyd gynlluniau Diogelwch Ar-lein blwyddyn ar flwyddyn a grewyd gan Grid ar gyfer Dysgu’r De Orllewin (SWGfL) ar ran Llywodraeth Cymru sydd yn cynnwys llawer o’r llinyn Dinasyddiaeth.

20161118_141908

Adnodd Diogelwch Ar-Lein SWGfL

Rydyn ni felly yn cyfyngu ein hunain yn y llinyn Dinasyddiaeth i rai awgrymiadau cyflym, gan ganolbwyntio ar yr ychydig agweddau hynny o Ddinasyddiaeth sydd heb eu gynnwys yng nghynlluniau SWGfL.

Gweithgareddau

Yn anffodus, dydy cynlluniau gwaith SWGfL ddim yn cynnwys dysgu am gydbwyso amser sgrin ac amser chwarae egnïol ac felly rhaid i chi wneud yn siŵr eich bod yn cynnwys yr elfen yma ar wahân. Dyma rai gweithgareddau y gallech eu hystyried:

  • Darparu nifer o ddatganiadau i’r disgyblion yn esbonio effeithiau cadarnhaol a negyddol defnyddio technoleg. Yna gall y disgyblion eu grwpio yn bethau cadarnhaol a negyddol.
  • Gofynnwch i’r disgyblion greu bwrdd stori neu gomic (ap Comic Life) ar ‘Y Bachgen a Ddywedodd Na’, addasiad ar 'Y Bachgen a Waeddodd Blaidd' lle mae plentyn yn gwrthod gwahoddiadau i bartïon a gemau pêl droed oherwydd ei fod eisiau aros gartref a chwarae gyda’i gyfrifiadur. Yn y pendraw mae pawb yn rhoi’r gorau i’w wahodd i bethau ac mae’n unig.