Menu

Hunaniaeth, Delwedd ac Enw Da

1.1

Cyflwyniad

Mae ‘Hunaniaeth, Delwedd ac Enw Da’ yn delio gyda chadw eich data personol yn ddiogel ar-lein. Ym Mlwyddyn 5 rydyn ni’n canolbwyntio ar y math o wybodaeth, delweddau a fideos sydd yn briodol inni eu rhoi ar-lein, manteision siarad gyda’r oedolion yn eu bywydau a phwysigrwydd cyfrineiriau cadarn.

Fframwaith

1.1 - Hunaniaeth, Delwedd ac Enw Da

  • Siarad am yr effaith y gall y cynnwys digidol a greir ei chael, e.e. meddwl yn feirniadol am yr wybodaeth a rennir ar-lein; bod yn ymwybodol o destun, lluniau a fideos priodol ac amhriodol ac effaith rhannu pethau o'r fath ar-lein
  • Esbonio pam ei bod yn bwysig trafod eu defnydd o dechnoleg ag oedolyn, e.e. trafod agweddau positif a negatif o ran enw da/drwg
  • Cadw cyfrineiriau diogel yn rheolaidd gan ddefnyddio nodweddion cyfrineiriau cryf a pheidio â defnyddio'r un cyfrinair fwy nag unwaith.

Geirfa

data     gwybodaeth   delweddau fideos   priodol rhannu trafod   rhifiadol cymeriadau hacio

Mae’r llinyn Dinasyddiaeth ychydig yn wahanol i’r tri arall gan ei fod yn canolbwyntio cymaint ar wybodaeth ag y mae ar sgiliau. Mae yna hefyd gynlluniau Diogelwch Ar-lein blwyddyn ar flwyddyn a grewyd gan Grid ar gyfer Dysgu’r De Orllewin (SWGfL) ar ran Llywodraeth Cymru sydd yn cynnwys llawer o’r llinyn Dinasyddiaeth.

20161118_141908

Adnodd Diogelwch Ar-Lein SWGfL

Rydyn ni felly yn cyfyngu ein hunain yn y llinyn Dinasyddiaeth i rai awgrymiadau cyflym, gan ganolbwyntio ar yr ychydig agweddau hynny o Ddinasyddiaeth sydd heb eu gynnwys yng nghynlluniau SWGfL.

Gweithgareddau

Beth i’w rannu?

Trafodwch pam bod gor-rannu yn gallu bod yn broblem ac esboniwch sut y bydd unrhyw beth y maen nhw’n ei rannu yn dal yn weledol ymhen 20 mlynedd. Gofynnwch iddyn nhw feddwl beth fydden nhw eisiau i’w rhieni, athrawon, eu bos yn y dyfodol neu eu ffrindiau yn y dyfodol ei ddarganfod amdanyn nhw ar-lein. Gofynnwch i’r disgyblion greu fideo ar gyfer disgyblion eu hoedran nhw yn esbonio pa fathau o bethau y dylid eu cadw’n breifat a beth sy’n iawn i’w rannu.

Trafod defnyddio’r Rhyngrwyd gydag Oedolion

Pwysleisiwch bwysigrwydd trafodaeth agored a gonest am weithgareddau ar-lein yn rheolaidd (gyda disgyblion a rhieni). Anogwch y disgyblion i drafod eu diddordebau ar-lein gyda’u rhieni.

Cryfder Cyfrinair

  1. Mae Gwers 1, Blwyddyn 5 o gynlluniau dysgu Diogelwch Ar-lein SWGfL yn delio gyda ‘Cyfrineiriau Cryf’.