Blwyddyn 5 - 2.3

Storio a Rhannu

2.3

Cyflwyniad

"Ydych chi’n siŵr eich bod wedi ei arbed?" "Ym mha ffolder wnaethoch chi ei arbed?" "Pa gyfrifiadur wnaethoch chi ei ddefnyddio yn y wers ddiwethaf?" Sawl munud sydd wedi cael ei wastraffu mewn sawl gwers ar sgyrsiau o’r fath? Mae dysgu eich disgyblion i arbed yn gywir yn sgil bwysig, ac fe fydd hefyd yn arbed oriau o rwystredigaeth i chi ac iddyn nhw yn y tymor hir!

Ym Mlwyddyn 5 fe ddylai’r disgyblion fod yn feistri ar eu parth eu hunain, yn chwilio, arbed, ailenwi, symud a dileu ffeiliau a ffolderi yn eu gyrrwr eu hunain ac yn deall pam bod angen gyrrwr allanol, fel pen USB, ar adegau.

Fframwaith

2.3 - Storio a Rhannu

Cadw fersiynau wrth gefn ar ail neu drydedd dyfais storio, e.e. dyfais storio symudadwy, gyriant rhwydwaith (yn lleol neu ar-lein)
Chwilio am ffeil benodol.
Lanlwytho ffeiliau o yriant lleol i’r cwmwl.

Sgil wrth Sgil

Chwilio, darganfod, ailenwi, symud ac arbed ffeiliau i’r cwmwl.

(Addaswyd o EAS ICT Skills Framework)

Geirfa

arbed agor gweinydd cwmwl lleol allanol uwchlwytho chwilio ailenwi

Arbed yn Fanwl

Rheoli Ffolder

Mae pob un ohonom yn gwybod sut beth ydy ffolder blêr. (Ydych chi wedi gweld gweinydd eich ysgol yn ddiweddar?) Edrychwch ar y gweithgaredd ‘Lle yn y Cwmwl’ yn 2.2. ‘Cydweithio’ i helpu i’w dysgu sut i ofalu am eu gyrrwyr ar-lein a gwyliwch y fideo isod i'ch helpu gyda rheoli eich gyrrwr.

Gyrrwyr Allanol

Gyda dyfodiad arbed yn y cwmwl, efallai nad ydy defnyddioldeb USB mor amlwg. Nodwch nad ydy mynediad i’r rhyngrwyd bob amser yn ddibynadwy a gyda gyrrwr allanol fel USB mae gennym rhywbeth wrth gefn os na allwn gael mynediad i’n dogfen cwmwl. Er na fydd angen hynny bob amser os ydyn ni’n mynd i roi cyflwyniad gweledol neu os oes rhaid argraffu dogfen neilltuol heddiw, yna mae cael cynllun B ar yrrwr USB yn syniad da!

Chwilio am Ffeiliau

Fe fydd gan pob gweinydd a chwmwl y mae eich disgyblion wedi bod yn eu defnyddio i arbed eu gwaith swyddogaeth chwilio. Ar weinydd yr ysgol y cyfan y gallwch ei wneud mewn gwirionedd ydy chwilio yn ôl enw, ond dangoswch iddyn nhw ddyfnder y chwiliad posibl mewn Google Drive neu OneDrive. Gallwch chwilio yn ôl enw, dyddiad, perchennog, math o ffeil etc. Mae hi mor hawdd darganfod y ffeil coll yna. Mae’r gweithgaredd ‘Lle yn y Cwmwl’ yn 2.2 ‘Cydweithio’ yn canolbwyntio ar hyn.

Rhannu

Pa bleser sydd yna mewn gwneud fideo neu ddylunio poster os nad oes neb yn ei weld? Fe ddylai pob tasg fideo gorffenedig gael ei ddangos i’r dosbarth o leiaf. Fe ddylid arddangos pob poster. Mae arbed yn y cwmwl yn galluogi disgyblion i rannu gyda’i rhieni hefyd, gan ddefnyddio codau QR. Dysgwch nhw sut i wneud hyn i arbed gorfod creu 30 o godau QR!

Dydy arbed ddim yn anodd i’w addysgu na’i ddysgu. Dangoswch iddyn nhw yn union sut i wneud hynny ac fe fyddan yn gwneud hynny’n berffaith drwy’r flwyddyn!