Cronfeydd Data
4.2 - Llythrennedd Gwybodaeth a Data
Gweithgaredd 1
Cronfa Ddata o’r Cychwyn
Fe fydd y disgyblion yn gyfarwydd gyda chronfeydd data llawn o’u gwaith ym Mlynyddoedd 3 a 4, ar ôl ateb cwestiynau amdanyn nhw ac yn ychwanegu, symud a golygu cofnodion ynddyn nhw. Ym Mlwyddyn 5 fe fydd y disgyblion yn creu cronfa ddata gyfan eu hunain.
Paratoi:
- Gwnewch yn siŵr bod gan y disgyblion gyfrifon mewngofnodi ar gyfer meddalwedd cronfa ddata (Purple Mash neu J2Data)
- Ymgyfaryddwch gyda’r meddalwedd trwy ddilyn y canllaw fideo isod i greu eich cronfa ddata eich hun.
Sut i Greu Cronfa Ddata (Purple Mash)
Sut i Greu Cronfa Ddata (J2Data)
Gweithgareddau:
- Atgoffwch y disgyblion sut beth ydy cronfa ddata. Nodwch bod ‘cofnodion’ ynddi, sef eitemau neu wrthrychau neu unigolion i’w dadansodi yn y gronfa ddata, a bod ‘meysydd’ i bob cofnod gyda gwybodaeth am y cofnodion. Mae pob cofnod mewn cronfa ddata yn rhannu rhai nodweddion neilltuol a nodir yn y meysydd
- Esboniwch mai’r penderfyniad pwysicaf i’w wneud pan fyddwch yn creu cronfa ddata ydy pa feysydd i’w cynnwys. Er enghraifft, fe ddylai cronfa ddata am afonydd gynnwys meysydd sydd yn cofnodi hyd yr afonydd, eu gwledydd ffynhonnell, trwy ba gyfandir maen nhw’n llifo etc.
- Dangoswch iddyn nhw sut i greu cronfa ddata newydd, gan ychwanegu rhywfaint o destun syml a rhifo meysydd. (Does dim angen meysydd dewis lluosog ar y lefel oedran yma).
- Gofynnwch i’r disgyblion greu cronfa ddata ar eich pwnc (h.y. afonydd yn yr enghraifft yma).
- Unwaith y byddan nhw wedi creu cronfa ddata fe ddylen nhw ychwanegu ychydig gofnodion (e.e ychwanegu tair neu bedair afon adnabyddus a’u gwybodaeth).
Cofiwch
- Os nad ydy eich ysgol wedi mabwysiadu Purple Mash neu J2E eto, mae’n hen bryd iddi wneud hynny. Mae’r J2E am ddim yn Hwb a gellir tanysgrifio i Purple Mash. Soniwch am hyn cyn gynted â phosibl wrth eich Arweinydd Technoleg neu’r Pennaeth!
- Mae’n debygol na fydd gennych ddigon o ddyfeisiadau i bob disgybl yn y dosbarth gael un yr un. Peidiwch â chael eich temptio i rannu cyfrifiaduron. Nid dyna ydy diben yr elfen yma. Os ydy dyfeisiadau yn gyfyngedig, trefnwch i un grŵp weithio ar y tro.