Menu

Cydweithio

2.2

Cyflwyniad

Os ydy’r Fframwaith wedi cael ei ddilyn ers o leiaf Blwyddyn 3, yna fe fydd eich disgyblion yn creu, rhannu ac yn trefnu gwaith yn y cwmwl (gan ddefnyddio Office365 neu Google Drive) fel rhan o’u gweithgareddau dosbarth dyddiol.

Ym Mlwyddyn 6 felly, er ein bod yn ychwanegu ychydig o sgiliau newydd, rydyn ni’n canolbwyntio yn bennaf ar ddefnyddio’r dechnoleg yma fel cymorth i addysgu a dysgu mewn pynciau eraill.

Fframwaith

2.2 - Cydweithio

  • Gweithio gydag eraill i greu prosiect ar-lein ar y cyd at ddiben penodol, gan rannu a gosod caniatâd mewn ffordd briodol ar gyfer aelodau eraill y grŵp e.e. golygu, rhoi sylwadau, gweld.

Sgil wrth Sgil

  • Creu dogfen yn y cwmwl a gwahodd sawl partner i gydweithio ar wahanol adegau.
  • Rheoli gofod gwaith ar rwydwaith neu yn y cwmwl, yn hyderus gan greu ffolderi, ailenwi ffeiliau a chreu strwythur rhesymegol.

(EAS ICT Skills Framework)

Geirfa

cydweithio     rhannu ffeil     cwmwl     sylwadau     caniatâd     gwahodd     ffeil     strwythur

Gweithgaredd 1

Byw yn y Cwmwl?

Os ydy eich disgyblion wedi dilyn y Fframwaith ers Blwyddyn 3 fe ddylen nhw bellach fod yn gyfarwydd iawn gyda gweithio ar ddogfennau cydweithio. (Os na, ewch i weithgareddau Blwyddyn 3 ar Gydweithio a dechreuwch yma). Ym Mlwyddyn 6, rydyn ni’n canolbwyntio ar eu gwneud yn gyfarwydd gyda threfnu eu gwaith yn y cwmwl.

Share settings

Paratoi:

  • Gwnewch yn siŵr bod gan pob plentyn fewngofnodion i yrrwr ar-lein (Google Drive neu OneDrive).
  • Gwiriwch bod gan y disgyblion brofiad o waith cydweithio ym Mlynyddoedd 3-5. (Os na, yna dechreuwch gyda’r gweithgareddau ar gyfer Blwyddyn 3.)

Gweithgareddau:

1. Dangoswch iddyn nhw sut i rannu dogfennau gyda gwahanol ganiatâd

  • Google: golygu, gweld neu roi sylwadau
  • Office: gallu gweld, gallu golygu

2. Trafodwch pryd y byddai hyn yn ddefnyddiol. (Rhowch sylwadau dim ond pan rydych eisiau adborth, Edrych yn unig os nad ydych eisiau i eraill newid eich gwaith neu roi sylwadau mewn unrhyw ffordd). Gadewch iddyn nhw ymarfer rhannu ym mhob dull gwahanol.

3. Cael sesiwn dacluso yn eu cwmwl ar-lein (gwnewch hyn bob tymor!) Atgoffwch nhw i greu is-ffolderi i roi trefn ar eu ffeiliau.

Rhannu a Thacluso yn Drive

Copïwch y ddolen

www.youtube.com/watch?v=ETB6qOB87_Q

Rhannu'r Fideo

Cofiwch

  • Os nad ydy eich ysgol wedi mabwysiadu G Suite for Education neu Office 365 eto, mae’n hen bryd iddi wneud hynny. Mae’r ddau am ddim a mae cyfrifon gan eich disgyblion drwy Hwb.
  • Mae’n debygol na fydd gennych ddigon o ddyfeisiadau i bob disgybl yn y dosbarth gael un yr un. Peidiwch â chael eich temptio i rannu cyfrifiaduron. Nid dyna ydy diben yr elfen yma. Os ydy dyfeisidau yn gyfyngedig, trefnwch i un grŵp weithio ar y tro.
  • Nawr bod eich disgyblion yn gallu cymryd rheolaeth dros eu gyrrwr, fe ddylen nhw ei gadw’n drefnus drwy gydol y flwyddyn. Cynhaliwch sesiwn dacluso fel hyn bob tymor i sicrhau nad ydy gyrrwr neb yn llanast llwyr!
  • Mae hwn yn weithgaredd syml i’w dysgu sut i drefnu eu gyrrwr eu cwmwl. Edrychwch ar y rhestr o weithgareddau ar waelod y dudalen yma i weld sut y gallwch barhau i ymarfer cydweithio drwy gydol y flwyddyn.

Meini Prawf

  • Rwy’n gallu rhannu dogfennau fel Darllen neu Roi Sylwadau yn unig.

Elfennau Fframwaith Eraill

2.3 - Storio a Rhannu

Mae'r holl weithgaredd hwn yn ymwneud a storio dogfennau yn y cwmwl.

Geirfa

gyrrwr cwmwl     ffolderi     trefnu     ailenwi     chwilio     caniatâd     sylwadau     darllen yn unig

Syniadau Amrywio

Mae hwn yn weithgaredd syml iawn heb fawr o gyfle i amrywio!

Prosiectau

Unwaith y bydd y disgyblion wedi dysgu’r gwahanol ganiatâd rhannu, dydy hynny ddim yn ddiwedd o bell ffordd ar gydweithio ym Mlwyddyn 6! Fe ddylen nhw ddod yn hyderus wrth weithio ar y cyd a rhannu dogfennau, ymgorffori’r sgiliau yma yn rheolaidd yn eu gwaith. Dyma rai syniadau ar gyfer prosiectau y mae modd iddyn nhw eu gwneud ar y cyd.

Awgrymiadau ar gyfer gweithgareddau

  • Creu PowerPoint / Google Slide ar eich pwnc cyfredol. Mae un disgybl yn teipio, un arall yn ychwanegu delweddau ac un arall yng ngofal y dylunio a’r gwirio sillafu.
  • Creu fideo ar yr iPad (gweler 3.2 'Creu'), uwchlwythwch i’r cwmwl a rhannu gyda chyd-ddisgybion er mwyn iddyn nhw allu gweld y fideo.
  • Defnyddio Word 365 / Google Doc i ysgrifennu postiadau blog yn rheolaidd mewn parau.
  • Rhannu gwaith yn rheolaidd ar gyfer asesiadau cymheiriaid gan ddefnyddio sylwadau.
  • Y disgyblion yn creu gwaith yn rheolaidd yn y cwmwl ac yn ei rannu gyda chi.