Blwyddyn 6 - 2.3

Storio a Rhannu

2.3

Cyflwyniad

"Ydych chi’n siŵr eich bod wedi ei arbed?" "Ym mha ffolder wnaethoch chi ei arbed?" "Pa gyfrifiadur wnaethoch chi ei ddefnyddio yn y wers ddiwethaf?" Sawl munud sydd wedi cael ei wastraffu mewn sawl gwers ar sgyrsiau o’r fath? Mae dysgu eich disgyblion i arbed yn gywir yn sgil bwysig, ac fe fydd hefyd yn arbed oriau o rwystredigaeth i chi ac iddyn nhw yn y tymor hir!

Ym Mlwyddyn 6, mae’r cyfan ynghylch cadw eich ffolderi a’ch ffeiliau yn drefnus ac yn rhannu gwaith gorffenedig ar-lein.

Fframwaith

2.3 - Storio a Rhannu

Creu a rhannu hyperddolenni i ffeiliau lleol, rhwydwaith ac ar-lein
Diogelu ffeil gyda chyfrinair.

Sgil wrth Sgil

Rheoli ardal gofod gwaith ar y rhwydwaith neu yn y cwmwl yn hyderus, drwy greu ffolderi, ailenwi ffeiliau a chreu strwythur rhesymegol.
Uwchlwytho a rhannu fideos yn rheolaidd ac yn hyderus gyda chynulleidfa briodol gan ddefnyddio amrediad o offer ar-lein.

(EAS ICT Skills Framework)

Geirfa

rhannu agor gweinydd cwmwl lleol uwchlwytho chwilio ailenwi rhannu cyhoeddus preifat

Arbed Mewn Manylder

Rheoli ffolderi

Mae pob un ohonom yn gwybod sut beth ydy ffolder blêr. (Ydych chi wedi gweld gweinydd eich ysgol yn ddiweddar?) Edrychwch ar y gweithgaredd ‘Lle yn y Cwmwl’ yn 2.2. ‘Cydweithio’ i helpu i’w dysgu i ofalu am eu gyrrwyr ar-lein.

Rhannu

Pa bleser sydd yna mewn gwneud fideo neu ddylunio poster os nad oes neb fyth yn ei weld. Dylid dangos pob tasg fideo gorffenedig i’r dosbarth o leiaf. Dylid arddangos pob poster. Fe fydd arbed yn y cwmwl yn galluogi eich disgyblion i rannu yn rhwydd.

Gwnewch yn siŵr fod eich disgyblion yn gwybod sut i lanlwytho fideos a lluniau o iPad i'r cwmwl (Google Drive, One Drive, J2E).
Dysgwch nhw sut i newid gosodiadau rhannu ar gyfer dogfennau yn y cwmwl fel eu bod yn gallu rhannu a chyd-ddisgyblion.
Dylai disgyblion allu creu codau QR i arddangos eu gwaith.
Os nad yw'r gwaith yn dangos enw neu lun y disgybl, gallwch ei lanlwytho i wefan yr ysgol neu (os ydy polisi'r ysgol yn caniatáu) YouTube.

Dyw arbed ddim yn anodd i’w addysgu na’i ddysgu. Dysgwch nhw’n union sut i’w wneud ac fe fyddan nhw’n ei wneud yn berffaith drwy gydol y flwyddyn!