Menu

Cyflwyno

3.2 - Creu

Cyflwyniad

'Cyflwyno' ydy’r ail agwedd o 3.2 ‘Creu’. Mae’n ymwneud â chyfuno testun, ‘delweddau a fideos i’ch helpu i gyflwyno ar bwnc.

Mae gan y rhan fwyaf o ddisgyblion rhywfaint o ddealltwriaeth o feddalwedd cyflwyno fel PowerPoint, ond er mwyn dysgu’r pwnc o ddifrif mae angen i chi bwysleisio amrywiaeth ac amrediad y dechnoleg.

Ym Mlwyddyn 6 maen nhw’n creu cyflwyniadau nad ydyn nhw’n llinol. Gall pobl neidio o un sleid i’r un arall ac yn ôl eto.

Fframwaith

3.2 - Creu

  • Defnyddio ystod o feddalwedd i gynhyrchu a mireinio cydrannau aml-gyfryngol
  • Dewis a chyfuno ystod o destun, delwedd, sain, animeiddiad a fideo i sicrhau canlyniad at ddiben penodol; defnyddio dulliau meddalwedd i wella'r canlyniadau ar gyfer cynulleidfaoedd penodol.

Sgil wrth Sgil

  • Dewis eu meddalwedd cyflwyno eu hunain, ac esbonio eu dewis.
  • Datblygu eu steil personol, gan ddewis lliwiau a ffont sydd yn adlewyrchu eu pwnc a'r gynulleidfa.
  • Creu cyflwyniad gan ddefnyddio mwy nag un ddyfais e.e. tynnu llun ar iPad a defnyddio gliniadur i greu'r cyflwyniad.
  • Cynllunio siart llif i ddangos sut y bydd y gynulleidfa yn llywio drwy gyflwyniad sydd a sawl llwybr.
  • Creu cyflwyniad sydd a sawl llwybr e.e. cwis aml ddewis.
  • Ychwanegu trosglwyddiad i sleid.
  • Defnyddio technoleg i recordio eu cyflwyniad a'i asesu.

(EAS ICT Skills Framework)

Geirfa

dolen     strwythr     naratif llinellol

Gweithgaredd 1

Adroddiad Newyddion

Stori Antur Aml-Ddewis

Erbyn hyn fe ddylai fod gan eich disgyblion brofiad sylweddol o greu cyflwyniadau gan ddefnyddio un neu ddau feddalwedd (e.e. PowerPoint, Google Slides). Mae’n debygol y byddan nhw hefyd yn weddol gyfforddus gydag offer cydweithio yn y meddalwedd cyflwyno hynny. Mae’r gweithgaredd yma’n canolbwyntio’n bennaf ar ychwanegu un sgil Cyflwyno newydd pwysig i’w repertoire, ond mae hefyd yn gyfle gwych i ymarfer eu Cydweithio.

Cynllun Siart Llif

Paratoi:

  • Mae’r gweithgaredd yma’n dilyn ymlaen o’r gweithgareddau cyflwyno ym Mlynyddoedd 3-5. Os na chafodd y gweithgareddau hynny eu dysgu i’ch disgyblion yn y blynyddoedd blaenorol, efallai y byddwch yn dymuno edrych ar y rheiny i ddechrau.
  • Gwyliwch y fideo isod i ymgyfarwyddo gydas rhai o'r offer yn Google Slides.
  • Ysgrifennwch eich stori antur amlddewis eich hun.
Pontio, Animeiddio a Dolenni yn Google Slides

Copïwch y ddolen i rannu gyda disgyblion

https://www.youtube.com/watch?v=UtQSxdDspiI

Rhannu'r Fideo

Gweithgareddau:

  1. Ewch drwy eich stori antur gyda’r dosbarth, gan adael iddyn nhw ddewis pa lwybrau i’w dilyn. Ailadroddwch y stori ychydig o weithiau fel eu bod yn gallu gweld sut mae gwneud gwahanol ddewisiadau yn newid y stori. (Hyd yn oed yn well, chwiliwch am lyfr ‘Dewis eich Antur eich Hun’ go iawn a’i ddarllen gyda’r disgyblion dros gyfnod o amser cyn dechrau ar y gweithgaredd yma).
  2. Esboniwch y bydd y disgyblion, mewn parau neu grwpiau bychain, yn ysgrifennu eu straeon antur byr eu hunain.
  3. Mewn grwpiau trafodwch beth fydd yn digwydd yn eu stori. Fe fyddan nhw’n dechrau o’r un sleid â’ch enghraifft chi, ac yna yn addasu’r stori fel y maen nhw’n ddewis.
  4. Fe ddylai pob stori adael i’r darllenydd wneud dau ddewis o leiaf. Mae’n debygol felly y byddwch angen o leiaf 7 sleid. Dangoswch i’r disgyblion sut i wneud siart llif yn dangos y gwahanol ddewisiadau. (Gweler yr enghraifft uchod).
  5. Fe fydd y disgyblion yn creu eu siartiau llif eu hunain mewn grwpiau. (Mae hyn yn debygol o gymryd gwers).
  6. Dangoswch i’r disgyblion sut rydych chi wedi creu’r dolenni o un sleid i’r llall. (Lluniwch flwch testun gyda’r dewis, yna cliciwch y ddolen yn y bar offer a dewis y sleid rydych eisiau mynd iddi)).
  7. Mae’r grwpiau yn ysgrifennu eu straeon eu hunain. Fe ddylai pob disgybl mewn grŵp ganolbwyntio ar sleid gwahanol gan ddefnyddio meddalwedd cydweithio (Google Docs neu Office 365).
  8. Ar ôl iddyn nhw orffen ysgrifennu eu stori a chreu’r dolenni, gadewch iddyn nhw ychwanegu delweddau i bob sleid. Dangoswch iddyn nhw sut i guddio delweddau i newid eu siâp, (fel rheol drwy glicio ar dorri ac yna dewis siâp).
  9. Gwnewch yn siŵr bod pob grŵp yn cael cyfle i gyflwyno eu stori, a gweddill y dosbarth yn gwneud y dewisiadau.

Cofiwch

  • Fe fydd y gweithgaredd yma’n cymryd nifer o wersi. Peidiwch â rhuthro.

Meini Prawf

  • Rwy’n gallu creu siart llif i ddangos y llwybrau y gall darllenwyr eu dilyn drwy fy nghyflwyniadau.
  • Rwy’n gallu creu cyflwyniad gyda nifer o lwybrau llywio posibl.
  • Rwy’n gallu defnyddio masgiau i newid siapiau fy nelweddau.

Elfennau Fframwaith Eraill

1.3 – Hawliau Digidol

Gallwch gynnal trafodaeth am hawlfraint delweddau ar-lein a sut y dylem roi cydnabyddiaeth.

2.2 - Cydweithio

O’i wneud yn gywir, mae’r gweithgaredd yma’n llawn o sgiliau cydweithio gan eu bod yn defnyddio Office 365 neu Google Slides.

2.3 Storio a Rhannu

Fe ddylech rannu eich sleid gyntaf gydag un aelod o’r grŵp, a fydd wedyn yn gallu ei rhannu gyda’i gydweithwyr.

3.1 Cynllunio, Cyrchu a Chwilio

Trafodwch pa allweddeiriau i‘w defnyddio pan yn chwilio am ddelweddau ar-lein.

3.3 Gwerthuso a Gwella

Gwerthuso cymheiriaid wrth edrych dros sleidiau aelodau’r grŵp a rhoi sylwadau. Gwylio eu hunain ar fideo a hunanasesu.

Geirfa

cydweithio     dolen     llwybr     siart llif

Syniadau Amrywio

Yn hytrach na stori antur, gallai eich disgyblion greu cwis. Os ydy’r darllenydd yn clicio ar yr ateb cywir, mae’n symud ymlaen i’r cwestiwn nesaf. Os yw’n clicio ar yr ateb anghywir mae’n cael ei dywys i’r dudalen ‘Gêm wedi gorffen’. Dyma fersiwn syml o’r gweithgaredd ac fe fyddai’n cymryd dipyn llai o amser.

Nodyn Pwysig

Cofiwch, mae mwy i’r defnydd o sgiliau cyflwyno y flwyddyn yma na’r un gweithgaredd yma. Erbyn hyn fe ddylai eich disgyblion fod yn hyderus wrth ddefnyddio meddalwedd cyflwyno ac felly yn eu defnyddo yn rheolaidd yn eu gwersi.

Ac eithrio’r gweithgaredd uchod, fe ddylech fod yn canolbwyntio ar ddefnyddio technoleg cyflwyno i hyrwyddo dysgu ar draws pynciau eraill, heb orfod canolbwyntio ar ddysgu sgiliau technoleg cwbl newydd.