Menu

Storio a Rhannu

2.3

Cyflwyniad

Gofynnwch i unrhyw athro/athrawes CA2 beth maen nhw’n feddwl am sgiliau arbed eu disgyblion ac mae’n debygol y byddwch yn clywed straeom am golli amser mewn sawl gwers oherwydd nad ydy gwaith wedi cael ei gadw’n gywir.

Ond does bosib bod oedran Derbyn braidd yn ifanc i boeni am bethau o’r fath?

Wel...nac ydy a dweud y gwir. Er nad oes neb yn disgwyl i’r disgyblion ieuengaf fod yn arbenigwyr ar arbed eu gwaith, mae disgwyl iddyn nhw o leiaf ddechrau deall y broses.

Yn y Derbyn, dylai disgyblion ddechrau arfer clicio ar y botwm ‘Arbed’ ar ôl gorffen eu gwaith ac fe ddylen nhw ddeall bod gwneud hynny yn galluogi’r athro/athrawes i ailagor eu gwaith yn nes ymlaen.

Fframwaith

2.3 - Storio a Rhannu

  • Arbed gwaith drwy glicio ar eicon a deall y gellir adfer y gwaith.

Sgil wrth Sgil

  • Dechrau cadw gwaith gan ddefnyddio rhaglen syml e.e. rhaglenni 2Simple neu J2E.

(EAS ICT Skills Framework)

Geirfa

cadw/arbed   agor     botwm     gwaith     ffolder    enw ffeil

Tasgau Ffocws

Arbed, Arbed, Arbed

FullSizeRender

Mae yna dri cham i arbed yn gywir, a gellir dysgu’r camau yma ar yr oedran cynnar yma:

  1. Cofiwch glicio’r botwm ‘Arbed’. Dylai disgyblion fod wedi datblygu’r arferiad yma yn y Meithrin, ond mae eu hatgoffa yn rheolaidd yn dal yn bwysig.
  2. Arbed yn y ffolder gywir. Peidiwch â phoeni gormod am yr agwedd yma ar hyn o bryd. Os ydych yn defnyddio meddalwedd fel Purple Mash neu J2E yna fel rheol fe fydd y ffolder gywir yn cael ei dewis yn awtomatig.
  3. Dewis enw ffeil priodol. Hyd yn oed yn CA2, ni fydd llawer o ddisgyblion yn enwi eu dogfennau, neu fe fyddan nhw yn eu henwi mewn ffordd sydd yn ei gwneud yn anodd i’w hadnabod yn nes ymlaen. Ar hyn o bryd, dysgwch eich disgyblion y dylen nhw, wrth arbed eu ffeil, deipio eu henw ac yna gofyn i’r athro/athrawes orffen eu arbedu iddyn nhw.

Y gyfrinach, fel gyda phob sgil, ydy modelu a rhoi cyfleoedd i ymarfer.

Mae angen i ddisgyblion wybod pam eu bod yn arbed. Agorwch gwaith y disgyblion yn rheolaidd ar y bwrdd gwyn rhyngweithiol. Mae hyn yn dangos iddyn nhw bod arbed eu gwaith yn golygu y gallwch ei ailagor yn nes ymlaen, o bosibl ar ddyfais gwahanol.

Darpariaeth Bellach

Botymau Cadw Ar-lein ac All-lein

Mae angen i glicio’r botwm 'Arbed' ddod yn ail natur i’r disgyblion erbyn y byddan nhw’n gadael y Derbyn.

  • Gwnewch yn siŵr bod yna luniau mawr drws nesaf i’ch cyfrifiaduron o’r gwahanol fotymau Arbed y gallan nhw ddod ar eu traws (yn dibynnu ar y meddalwedd yr ydych yn ei ddefnyddio yn y dosbarth, o bosibl Purple Mash neu J2E).
  • Unrhyw dro y bydd disgybl yn defnyddio cyfrifiadur, boed ar dasg benodol neu fel darpariaeth estynedig, anogwch nhw i gadw eu prosiect.

Rhowch fotwm mawr yng nghanol y dosbarth. Pan mae disgybl yn gorffen unrhyw dasg nad yw’n dasg ar y cyfrifiadur, fe ddylen nhw redeg at y botwm a’i daro i ‘Gadw’r’ gwaith.